இவர்களிடம் இருந்து 976 கிராம் எடையுள்ள ஹெராயின் கைப்பற்றப்பட்டதாக தெரிவிக்கப்படுகிறது. இது 95 கேப்சியூல்களில் அடைக்கப்பட்டிருந்தததாக இந்திய தகவல்கள் தெரிவிக்கின்றன. அவற்றை விழுங்கி இலங்கைக்கு கடத்திச் செல்வதற்கு நாதன் தயாராக இருந்தார் என தெரிவிக்கப்பட்டுள்ளது.
ஆரம்பகட்ட விசாரணையில் அவை, ராஜஸ்தானில் இருந்து விருதுநகர் மாவட்டம் சாத்தூருக்கு செல்வத்தால் கடத்தி கொண்டுவரப்பட்டது என்பது தெரிய வந்தது. அங்கிருந்து நாதனுடன் செல்வம் இவற்றை பஸ் மூலம் சென்னைக்கு கொண்டு வந்துள்ளார்.
அவற்றை விழுங்கி, விமானம் மூலம் இலங்கைக்கு அவர்கள் கொண்டு செல்ல இருந்ததாகவும் தெரிய வந்துள்ளது. 2 பேரும் கைது செய்யப்பட்டு சிறை வைக்கப்பட்டுள்ளனர். இவர்கள் கடத்திய ஹெராயினின் மதிப்பு இந்திய சந்தையில் 5 லட்சம் ரூபாவெனவும், சர்வதேச சந்தையில் அவற்றின் இந்திய மதிப்பு ஒரு கோடி ரூபா எனவும் தெரிவிக்கப்படுகிறது.
