தலைவர் பதவிக்குப் போட்டியிடும் கட்சியின் பிரதித் தலைவர் கரு ஜயசூரிய தலைமையிலான தூதுக்குழுவினர் ஆசீர்வாதம் கோரி, மல்வத்தை மற்றும் அஸ்கிரிய பீட மஹாநாயக்க தேரர்களை இன்று செவ்வாய்க்கிழமை சந்திக்கவுள்ளதாக மறுசீரமைப்புக்குழுவைச் சேர்ந்த நாடாளுமன்ற உறுப்பினர் ரஞ்சித் மத்தும பண்டார கூறினார்.
இத்தூதுக்குழுவில் நாடாளுமன்ற உறுப்பினர் தலதா அத்துகோரள, முன்னாள் உதவித் தலைவர் ருக்மன் சேனநாயக்க, இம்தியாஸ் பார்கீர் மார்கார் ஆகியோரும் அடங்குவர் என ரஞ்சித் மத்தும பண்டார எம்.பி. தெரிவித்தார்.
ஏனைய சமயத்தலைவர்களையும் இத்தூதுக் குழுவினர் சந்திக்கவுள்ளதாகவும் அவர் கூறினார். ஐ.தே.கவின் தொழிற்சங்கமான தேசிய கல்வி ஊழியர் சங்கம் தமது அணிக்கு ஆதரவு வழங்க உறுதியளித்துள்ளதாகவும் அவர் தெரிவித்தார்.
