அமெரிக்காவில் அதிபர் ஒபாமாவின் மதிப்பு சரிவடைந்துள்ளதாக தகவல்கள் வெளியாகியுள்ளன.

கேசோலைன் (நம்மூர் பெட்ரோல்) உள்ளிட்ட எரிபொருட்களின் விலையுயர்வு காரணமாக, அமெரிக்காவில் அதிபர் ஒபாமாவின் மதிப்பு சரிவடைந்துள்ளதாக தகவல்கள் வெளியாகியுள்ளன. அமெரிக்காவில், விரைவில் அதிபர் தேர்தல் நடைபெற உள்ளது. மக்களிடையே, அதிபர் மீது உள்ள மதிப்பு மற்றும் ஒப்பீடு குறித்து அந்நாட்டு பத்திரிகைகள் அவ்வப்போது கருத்துக்கணிப்புகள் நடத்தி வருகின்றன. அன்படி, மார்ச் 7ம் தேதி முதல் 11ம் தேதி வரையிலான காலத்தில் நடைபெற்ற கருத்துக்கணிப்பின் முடிவுகள் தற்போது வெளியிடப்பட்டுள்ளன.

வாஷிங்டன் போஸ்ட் - ஏபிசி நியூஸ் பத்திரிகை வெளியிட்டுள்ள முடிவுகளில், ஒபாமாவுக்கு ஆதரவாக 46 சதவீதம் பேரும், 50 சதவீதம் எதிராக மதிப்பிட்டுள்ளனர்.

நியூயார்க் டைம்ஸ் - சிபிஎஸ் நியூஸ் பத்திரிகை வெளியிட்டுள்ள முடிவுகளில், 41 சதவீதத்தினர் (கடந்த மாதம் 50 சதவீதம்) மட்டுமே, ஒபாமாவுக்கு ஆதரவாக மதிப்பிட்டுள்ளனர். கடந்த மாதம் நடத்தப்பட்ட கருத்துக்கணிப்பில், 41 சதவீதமாக இருந்த ஒபாமாவுக்கு எதிரான மதிப்பீடு, நடப்பு மாதத்தில், 47 சதவீதமாக அதிகரித்துள்ளது குறிப்பிடத்தக்கது.

கேஸோலைன் உள்ளிட்ட எரிபொருட்களின் விலையுயர்வு காரணமாகவே, மக்களுக்கு அதிபர் ஒபாமா மீதான் மதிப்பீடு குறைந்ததற்கான காரணமாக கூறப்படுகிறது.