கியூப முன்னாள் தலைவர் பிடெல் காஸ்ட்ரோ கடந்த 9 மாதங்களில் பின் முதல் தடவையாக வியாழக்கிழமை பொது இடத்தில் தோன்றியுள்ளார்.
அவர் சிறுவர்களுடன் உரையாடுவதையும் அமெரிக்க ஜனாதிபதி பராக் ஒபாமா குறித்து கண்டனம் தெரிவிப்பதையும் வெளிப்படுத்தும் காட்சிகள் அந்நாட்டு அரசாங்க தொலைக்காட்சியில் வெளியிடப்பட்டுள்ளன. இதன்போது அவர் கியூபாவின் பொது கல்வி முறைமை குறித்து விபரித்தார்.
பிடெல் காஸ்ட்ரோ (89 வயது) இதற்கு 9 மாதங்களுக்கு முன்னர் ஆயுதப் படையினர் மற்றும் உள்துறை அமைச்சுடன் இணைந்து பணியாற்றிய பொதுமக்களுடன் தோன்றும் காட்சியை அந்த நாட்டு தொலைக்காட்சி ஒளிபரப்பியிருந்தது.
1959 ஆம் ஆண்டிலிருந்து அதிகாரத்திலிருந்து வந்த பிடெல் காஸ்ட்ரோ 2006 ஆம் ஆண்டில் உடல் நலக்குறைவு காரணமாக தனது சகோதரர் ராவுல் காஸ்ட்ரோவுக்கு அதிகாரத்தைக் கையளித்தமை குறிப்பிடத்தக்கது.